Encara de tindèlas

Le 15/12/2021 0

Bricolassejavi empr’aqui dins la farga del paire. El, tot a son trabalh, pausava de fèrres als buòus s’una sas praticas. Los entendiai bargar entr’eles.

« E ben, aquelas grivas ? La sason seria bona, se dis ? »

«Oc ben, se l’òm vòl. Mas veja, Leòn, un d’aquestes jorns m’en arribèt una que la tròbi pro saumastra : figura-te qu’al Bòsc Pradès, m’aurian panat un quizenat de grivas. »

Et totes dos d’espepissar la causa e de soscar per finir per conclure coma mon paire :

« Pòt pas èstre qu’un estrangièr dal Causse que t’a fach aquela salopeta causa ! »

Plan parlat ! me diguèri d’en-dins, sens donar res a conéisser.

L’embestiant de la causa es que qualque temps après, un autre client de la farga esclaquejava fort a las aurelhas del paire, que tal jorn al Bòsc Pradés avia levat jos sos teules de tindèlas doas e mèmes très grivas al còp. N’èra fièr e babard : « Son de causas que son pas de creire, disia el, e pr’aquò que son plan vertadièras, tant raras e unicas que pòscon èestre ».

« E pardi ! que te cresi ben ! diguèt lo paire en esclafelant de rire. Te feu saupre que tal même jorn, un tal se plangèt que las grivas èran estadas levadas de las sias tindèlas. As pas qu’a far lo raprochament. Son de dròlles que se seràn amusats… »

I ajèt pas d’enquèsta butada pus luènh, plan urosament per nautres ; si que non, un còp de mai èrem faches …

Je bricolais dans la forge du père. Lui, tout à son travail, était en train de ferrer un boeuf d'un de ses clients. Je les entendais bavarder entre eux :

Eh bien, ces grives ? La saison serait bonne, parait-il ?
Oui, si l'on veut. Mais vois-tu, Léon, un de ces jours il m'est arrivé une chose désagréable, figure-toi qu'au Bosc Pradès, on m'a volé une quinzaine de grives.

Et tous les deux d'épiloguer sur la cause de ce problème pour finir par conclure comme le fit mon père : "Ce ne peut être qu'un étranger du Causse qui t'a fait cette saloperie !"

"A la bonne heure", me dis-je en moi-même, sans rien montrer. La chose embêtante est que quelque temps après, un autre client de la forge clamait aux oreilles du père, que tel jour au Bosc Pradès, il avait trouvé sous toutes ses tendelles, deux, même trois grives d'un coup. Il n'était pas peu fier : "C'est incroyable, disait-il, mais c'est véridique, aussi rare que cela puisse être."

"Eh pardi, je te crois bien, dit le père en éclatant de rire. Il te faut savoir que le même jour, un tel se plaignait que les grives ont été enlevées de toutes ses tendelles. Il n'y a qu'à faire le rapprochement. Ce sont des gosses qui ont fait le coup ..."

Il n'y a pas eu d'enquèêe menée plus loin, heureusement pour nous, parce que sinon, cela aurait été fâcheux ...